sab. prox. a. dom. Conductus Paschae
Zygmunt król polski, mimo że przed trzema laty na sejmie w Piotrkowie zawiesił na 5 lat wielu miastom opłaty celne, teraz ze względu na wynikłe stąd straty dla całego państwa, odwołuje wspomnianą suspensę i poleca poborcom celnym, aby nie pobierali jedynie tych ceł, od których miasta otrzymały zwolnienie przed uniwersałem piotrkowskim 1523 r.
Sigismundus Dei gratia rex Poloniae, magnus dux Lithuaniae, Russiae, Prussiae Masouiaeque etc. dominus et heres, universis et singulis principium(!) tam spiritualibus, quam secularibus reverendissimis ac reverendis in Christo, patribus et dominis archiepiscopis, episcopis nec non magnificis, generosis nobilibusque famatis et providis palatinis, castellanis, capitaneis, tenutariis terrigenis nobilibusque officialibusque et eos vicesgerentibus civitatumque et oppidorum tam nostrorum, quam quorumcumque subditorum nostrorum, magistris civium nec non consulibus, civibus, oppidanis et eorum communitatibus et quroumlibet omnibus subditis nostris spiritualibus et secularibus, cuiuscumque status, sexus, conditionis et provenienciae, in regno nostro existentes, sincere fidelibus dilectis, salutem et gratiam nostram regiam sincere et fidleles dilecti. Quamvis nos de consilio et consensu omnium utriusque status consiliariorum et nunctiorum terrarum regni nostri in conventu generali Piotrcoviensi, ante triennium anno, libertates, quam plurimis civibus et oppidis tam nostris, quam etiam spiritualium et secularium subditorum nostrorum a solvendis theloneis nostris antiquis per nos praedecessorisque nostros concessas, propter Reipublicae arduam necessitatem, ad quinque annos suspendimus, ita ut deinceps quilibet mercator intra tempus ipsius quinguenii de predecitis civitatibus et oppidis liberis a rebus et mercibus suis, ipsum theloneum antiquum nobis solvere, usque theloneatoribius nostris reponere tenebat. Tamen consideramus ex hac suspensione libertatum ipsos subditorum universi regni magnum detrimentum, de consilio totius senatus ipsius regni nostri et nunctiorum terrarum in praedicte praeterito conventu generali Cracoviensi congregatorum, ipsas libertates a solvendo theloneis antiquis in pristinum statim omnibus et singulis civibus et oppidis, quibus concessa sunt restituimus eademque suspensionem relaxamus et penitus tollimus, relaxamus per presentes. Quocirca mandamus vobis universis et singulis theloneatoribus nostris in regno et dominiis nostris, ubilibet existendis ac eorum vicegerentibus deinceps a civibus et oppidanis de civitatibus et oppidis libertatem et immunitatem a solvendo dictis theloneis antiquis habendo eaque thelonea antiqua non exigatis, nec exigi faciatis. Verum incolas earumque civitatis et oppidorum in eorum libertate, quam habent a nobis seu praedecessoribus nostris sibi concesam et qua antehac usi fuerint, conservetis et conservari faciatis pro fide vestra et gratia nostra aliter non facturi. Datum Cracoviae, sabbato proximo ante Domini Conductus Paschae, anno Domini 1527mo, regni nostri anno 21mo.
Ad mandatum regiae maiestatis proprium.
Kopia z XVIII w., pap., 33,5 x 21,5 cm, zachowana dobrze; nie uwierzytelniona; j. łac.
Reg.: AmL, sygn. 151, nr 83.
Druk: Riabinin, nr 122.
Wykaz, 36; DmL, sygn. 46.